Устав чтения псалтыри за упокой (над гробом и сорокоуст)

Устав чтения псалтыри за упокой (над гробом и сорокоуст)

Семипоклонный начал.

За молитв святых отец наших, Господи, Исусе Христе, Сыне Божии, помилуй нас. Аминь. Трисвятое и по Отче наш, молитва Исусова. Господи, помилуй, 12. Слава, и ныне. Приидите поклонимся (трижды, с поклонами). Псалом 90-й Живыи в помощи Вышняго. Слава, и ныне. Аллилуия (трижды, с поклонами). Господи помилуй (трижды). Тропарь: Иже глубинами мудрости. Слава, и ныне, богородичен: Тебе град и пристанище.

Посем первая кафизма: Блажен муж. На славах глаголют: Слава, и ныне, Аллилуйя (трижды, с поклонами). Господи, помилуй (трижды). Слава. Покой, Господи. Душу усопшаго раба Твоего (имя рек, поклон), и елико в житии сем, яко человек согреши Ты же, яко Человеколюбец Бог, прости его и помилуй (поклон). Вечныя муки избави (поклон). Небесному царствию причастника учини (поклон). И душам нашим полезная сотвори (поклон). Богородице Дево, радуися, обрадованная Марие, Господь с Тобою, благословенна Ты в женах и благословен Плод чрева Твоего, яко родила еси Христа Спаса, Избавителя душам нашим (единожды, и поклон). И ныне. И паки читаются псалмы. Такая же слава бывает и по кафизмах.

По совершении же всея Псалтыри, псалом 50: Помилуй мя, Боже. Также молитва Исусова, и канон заупокойный. Слава, и ныне, глас 6: Содетелю и Творче, Зиждителю и Избавителю, ослаби отпусти, Христе Боже, и душу его (ея) помилуй, егда хощеши испытати, тогда пощади, Милостиве; приими душу его (ея), Владыко, сведыи тайная.

Печ. по: Панихидник. РПСЦ. Москва. 1994. С. 234.